జ్యొతిష్యం కొత్త ఎత్తుగడలు

వ్యాపారంలో ఎప్పటికప్పుడు సరికొత్త విధానాలు అనుసరించినట్లే జ్యొతిస్యంలో జనాన్ని దో చు కోడానికి వ్యూహాలు పన్నుతుంటారు .2009 జూలై ఆగస్ట్ లో మూడు గ్రహణాలు వస్తున్నయి కనుక పెద్ద ఉపద్రవం రానున్నదని ఆర్ట్ ఆఫ్ లివింగ్ వారు పుస్తకమే రాసారు .దీనిపై పత్రికలు ,టి.వి లు విపరీతంగా గాధలు ప్రచారం చేస్తున్నయి .మూడో ప్రపంచ యుద్దం రావచ్చు అనేటంతవరకు వెళ్ళారు .లోగడ అలాగె వచ్చినట్లు కథలు అల్లారు .ప్రభుత్వం చేతులు ముడుచుకొని వున్నది. అందులోనే నమ్మకస్తులు వున్నారు గనుక ఇలా జరుగుతున్నది .చట్టాన్ని ప్రయోగించి అబద్దాలు, మోసాలు క్రింద శిక్షలు అమలు పరిస్తే ,జ్యోతిష్యం పేరిట జరుగుతున్న నేరాలకు కొంత అడ్డుకట్ట పదుతుంది .

భారత దేశంలో ఇదీ పిల్లల విషయం

3 కోట్ల పిల్లలు బడి ఎరుగరు

8వ తరగతి లోపే 54% బడి మానేస్తారు

10వ తరగతి లోపు 80శాతం దళిత పిల్లలు బడిమానేస్తున్నారు

90శాతం ఆదివాసీ బాలికలు 10 తరగతి లోపు బడి ఆపేయడం

5 ఏళ్ళ లోపు పిల్లలలో 50% పోషకాహారం లేనివారే

19 ఏళ్ళ లోపే 25% అమ్మాయిలు వివాహితలౌతున్నారు

వెయ్యి లో 70 మంది పిల్లలు యేడాది లోపే చనిపోతున్నారు .

(ఆధారం ఏడ్యుకేషన్ వరల్డ్ 2009 క్రై మానిఫెస్తో )

తెలుగు విశ్వ విద్యాలయంలో వాస్తు, జ్యోతిష్యం

అశాస్త్రీయమైన వాస్తు మరియు జ్యోతిష్యం శాస్త్రాల పాఠ్యాంశాలను పొట్టిశ్రీరాములు తెలుగు విశ్వవిద్యాలయంలో తొలగించాలని కోరుతూ, ఇన్నయ్య గారి ఆధ్వర్యంలో T.V.రావు, K.V.రెడ్డి, రామబ్రహ్మం ప్రభృతులు ఈ రోజు (July 3, 2009) సాయంత్రం 4 గంటలకు , విశ్వవిద్యాలయ ఉపకులపతి ఆచార్య భూమన్న గారికి ఒక వినతి పత్రాన్ని అందచేశారు. హేతువాదుల అర్జిపై, హైకోర్ట్ వారు ఈ రెండు విషయాల శాస్త్రీయత ను అధ్యయనం చేయటానికి ఒక నిపుణుల సభ ను నియమించమని , నాలుగు సంవత్సరముల క్రితం విశ్వవిద్యాలయానికి సూచించినారు. ఇంత కాలం గడిచినా విశ్వవిద్యాలయం వారు న్యాయస్థానానికి ఎలాంటి బదులు ఇవ్వలేకపోయారు. ఈ పాఠ్యాంశాల శాస్త్రీయతను నిరూపించలేకపొయారు. ఈ విషయాన్నిఆచార్యుల వారి దృష్టికి తెచ్చి, అశాస్త్రీయమైన ఈ పాఠ్యాంశాలను తొలగించవలసినదిగా కోరారు. ఈ విషయాన్ని పరిశీలిస్తానని ఉపకులపతి వారు, పాత్రికేయుల సమక్షంలో, హేతువాద బృందానికి చెప్పారు.