తెలియనప్పుడు

కార్య కారణ జ్ఞానం

ప్రతిదానికీ కారణం వుంటుందని అన్నాది నుండీ జనం తలచారు.అది సరైనదే.కారణం తెలియనప్పుడు శక్తులను వూహించారు.దేవుడు దయ్యం,నరకం స్వర్గం అలా వచ్చాయి .కారణం తెలిసిన తరువాత కూడా నమ్మకాలు అట్టిపెట్టుకుంతే అది మూఢనమ్మకం అన్నమాట.ఇప్పటికీ అధారాలు లేని నమ్మకాలు: ఆత్మ, పునర్జన్మ .ఆలాగే అతీంద్రియ శక్తులు .వీటి చుట్టూ చాలా ఆధ్యాత్మిక వ్యాపారం జోరుగా సాగిపోతున్నది .ప్రశ్నలు వేయడం పిల్లలకు సహజం.కాని కొన్ని ప్రశ్నలు వేస్తే తప్పు అని, కళ్ళు పోతాయని భయపెట్టి నోరు మూయిస్తారు.నేను ఎట్లా పుట్టాను, దేవుడిని ఎవరు పుట్టించారు అని పిల్లలు అడిగితే,తెలియదు , తెలుసు కుని చెబుతాను అనాలి .రుజువు చేయలేనివి చెబితే పిల్లలకు మాఢనమ్మకాలు నూరిపోసినట్లె .మనకు తెలియనివి ప్రక్రితిలో చాలా వున్నాయి. క్రమేణా తెలుసుకుంటూ పోవడమే మంచి పధతి.

రుద్రాక్షలొ కులం!!

రుద్రాక్ష జాబాలోపనిషద్ ప్రకారం

బ్రాహ్మణులు తెల్లనివి,

శూద్రులు నల్లనివి

కొమట్లు ఆకు పచ్చనివి

రాజులు(క్షత్రియులు) ఎర్రనివి

రుద్రాక్షలు ధరిస్తె మంచిదట.

ఇవిగాక రుద్రాక్షలు ధరిస్తే యవ్వనం , ఆర్యోగ్యం గురించి కధలు వున్నాయి.

ఇవన్నీ శిక్షార్హం అవునా కాదా?

జోరుగా రుద్రాక్షల దొంగ వ్యాపారం

రుద్రాక్షలు
ధరిస్తే ఆరోగ్యం, సంపద సమకూడుతుందని ప్రచారం చేసి లైసెన్స్ లేని పన్నులు లే ని అబద్దపు వ్యాపారం చేస్తున్నారు.కులరీత్యా ఎవరు ఏ రంగు రుద్రాక్ష ధరించాలో చెబుతున్నారు .ఇదంతా డ్రగ్స్ అండ్ మాజికల్ రెమిడీస్ చట్టం క్రింద శిక్షకు అర్హం . రుద్రాక్షలు చెట్టు కాయలు.హిమాలయ ప్రాంతాలలో, నేపాల్ లో ,ఇండొనీషియా ,హవాయి, జావా, ఆస్త్రేలియ లలో వుంటుంది. నీలి రంగులో ప్రారంభమై ,ఎండుతున్నప్పుడు గొధుమ,ఎరుపు ,నలుపు గా మారుతుంది .పండుతూ ఎండుతూ పోతుంటే చారలు ఏర్పడి ,ముడుచుకపోతూ ముఖాలు ఆకారాలు వస్తాయి .దీనికి పురాణ గాధలు అల్లి, నమ్మే జనంపై మత వ్యాపారం చేస్తున్నారు .21 ముఖ ఆకారాలకు కధలు అల్లారు. జ్యొతిష్యాన్ని ,వాస్తును జోడించారు .టో కుగా ,చిల్లరగా ప్రచారం చేస్తున్న అసత్యాలు అన్నీ శిక్ష కు గురి చేయాలి .ఫ్రభుత్వము నిద్రాణంలో వున్నది .