ఎగిరే పళ్ళాలు భ్రమ American myth exposed

ఫిలిప్ జే. క్లాజ్













ఎగిరే పళ్ళాలు కొన్నేళ్ళ పాటు అమెరికాని, పాశ్యాత్య లోకాన్ని ఆశ్చర్యంతో ముంచెత్తాయి. 1947లో టెక్సాస్ ప్రాంతంలో ఈ వదంతి మొదలై క్రమేణా బలపడింది. దీనిపై కథలు, పుస్తకాలు వచ్చాయి. సినిమాలు తీశారు. టీ.వీ.లు కథనాలు ప్రసారాలు చేశాయి. ఇందులో నిజా నిజాలు శాస్త్రీయంగా తెలుసుకునే ప్రయత్నాన్ని ఫిలిప్ జే. క్లాజ్ చేపట్టారు. ఆయన పరిశోధించి నిజంగా ఆకాశంలో ఎగిరే పళ్ళాలు లేవని చాటిచెప్పారు. ఇది టెక్సాస్ లో మొదలైన తీరును ఆద్యంతం వివరించారు. దురదృష్టవశాత్తు అమెరికా సైన్యం కూడా కొన్నాళ్ళు అనుకూల ప్రచారం చేయటం వల్ల నిజమేమోనని జనం భ్రమపడ్డారు.

క్లాజ్ వాషింగ్ టన్ లో ఉండేవాడు. 1992లో నేను ఆయన్ను కలుసుకొని ఇంటర్వ్యూ చేశాను. నా వెంట హేమంత్ (నా అల్లుడు) వచ్చి ఫోటోలు తీసి రికార్టు చేశారు. ఆయన ఒక అపార్టుమెంటులో ఉంటూ కుక్కను పెంచు కుంటున్నాడు. చాలా విషయాలు ఓపికగా వివరంగా ఎగిరే పళ్ళాల గురించి విడమర్చి చెప్పారు. ఇంచు మించు ఆయన చెబుతుండటం, నేను వినటమే కాని ఆట్టే అడగటానికి ఆస్కారం లేకపోయింది. ఆయన శాస్త్రీయ ఆధారాలతో చేసిన పరిశీలన నా ముందు పెట్టారు. భారతదేశంలో ఈ విషయం అంతగా ప్రచారంలో లేదు. ఇది సాధారణ జనానికి అంటుకోలేదు. ఆ విషయమే ఆయనతో చెప్పి ఇంటర్వ్యూ సారాంశాన్ని భారతదేశంలో ప్రచురిస్తానని చేప్పాను. ఆయన రచనలు, పరిశోధనలు, ప్రమాణాలుగా ఇప్పటికి చాలామంది ఉదహరిస్తారు. శాస్త్రీయ పరిశీలనా కేంద్రంవారు ఆయన రచనలను ప్రచురించారు. ఖగోళశాస్త్రవిజయాల కమిటీలోనూ ఆయన ఉండేవారు. వాషింగ్టన్ లో తరచు ఆయను కలిసే అవకాశం నాకు లభించింది( died 2005)

UFOs — Identified, 1968,
Secret Sentries in Space, 1971, (about spy satellites)
UFOs Explained, 1974,
UFOs: The Public Deceived, 1983, Prometheus Books,
UFO Abductions: A Dangerous Game, 1989, Prometheus Books,
The Real Roswell Crashed-saucer Coverup, 1997, Prometheus Books,
Bringing UFOs Down to Earth, 1997, Prometheus Books, (for ages 9-12)